第三次到馬爾代夫,這間酒店我覺得係3間中最好! 今次住4晚水上屋,雖然沒有私人泳池但屋外已有無敵大泳池,仲唔洗自己養魚已有無數架魚在這藍天碧海架泳池內同你一齊暢泳。 雖然酒店淺水地區8成珊瑚都已仙遊,但都可吸引到多種魚類到來尋食,七彩繽紛熱帶魚在身邊擦身而過,有時還可看到大魚,鯊魚,魔鬼魚,而島的斷崖邊還可看到魚群暢泳。 水上屋十分大和之舒服,机本上不用開冷氣,打開門海風已是大自然中架恆溫冷氣,而晚上關哂屋內燈在露台中沒有光害下看繁星,雖然看不到星河,但偶爾也有流星閃過。。。 早,午,下午茶,晚餐,飲品。。。全包,机本上都未餓過><。 食物方面:早餐,間間酒店都係大至上果啲嘢,冇乜特別。 午及晚餐:每天都會有唔同主提食物,可能大厨係意大利人,所以我覺得佢地即煮意大粉同即焗新鮮出爐架pizza真係幾好味,有晚大厨還親自即塲煮意大利飯都好好味,食過4日午晚,個人覺得甜品方面還有進步架空間,另外冷盆及熱盆比較少見到可以講係冇乜海鮮架選擇,還都不用提那個鐵板燒,魚又硬又嚡,牛柳又多根,當然你可用US$130(可能係US$150)換來個海鮮拼盆大飽口福。飯前或飯後亦都可到隔離嘅bar hea下嘆杯cocktail吹吹海風,來馬爾代夫就係要享受這種休休閑閑架感覺,什麼食物唔好食(又唔係唔加好,只係一般)也不在重要。 步行環島遊12分鐘內可環島一周,滅蟲方面做得非常非常好,1隻蚊1隻小强都沒有,可能就係冇昆蟲緣故連屋内架壁虎都餓死曬1條都沒有。 員工方面:揀直係好過之前我住果間價錢5星級架馬爾代夫酒店,餐廳架員工,bar裡頭架員工(尤其是當中位菲律賓小姐), Reception內幾位員工Myra, Janet,同埋位德國來的小姐幾位都好親切,樂於幫助客人。 馬爾代夫我一定會再來,但講真未必會再來這島,原因並唔係島上某方面做得不足,其實10分滿分可以比9.5分佢地,只因實在太多島想去發掘想去試下玩下食下hea下。。。如果未來過這個島的話,來吧!你們一定沒有揀錯!!! PS.如果Agoda可以轉交以上住後感給酒店就萬般感謝!!!